ليش يا بو حسين

ليش  يا  بو حسين …. بضعة الهادي …. من  شيعتها
محد حضرها …. و بسواد الليل …. خفيه ادفنتها

ما  هي ودعها عندك الهادي …. عزها  ووليها
و قال يا حيدر بضعتي بحماك …. عينك  عليها
يا علي و انته من عقب عينه …. اتكفلت  بيها
و  ليش آذوها …. ليش ظلموها …. و ما  حافظتها

يا  علي و المن خصمك الطاغي …. بقومه  لفاها
و  اعتنت للباب بت رسول الله …. ولاذت  وراها
اشحاجته الزهره اعصرها هالعصره …. و ثوب ثداها
و انته ذيج الساع …. ما قمت ليها …. و  اتلاحقتها

و من خذوك القوم يا علي و طلعت …. خلفك  اتنادي
اشلون  صارت  حين لعبت اعليها …. اسياط  الأعادي
و بنعل سيفه خالد و دزها …. البضعة  الهادي
ويلي وشقالت …. و لمن السطره …. اعله العين  إجتها

اشلون خلوها من عقب عزها …. صارت  ذليله
تبجي  ليل انهار و الضلع مكسور …. و هيه  عليله
اتعيش  مظلومه اتموت مهضومه …. تالي و  نحيله
هاي لمصايب …. امن انين إجت ليها …. و  اتحملتها

و ليش قالت لك يا علي لمن …. ماتت  الزهره
من تغسلني و لا تجردني …. و ضلعي  تنظره
اتخاف  تلجمها و لو تخاف اعليك …. تنظر  الكسره
عظم الله أجرك …. اشلون المصايب …. هاي اجرعتها