شاعر: جابر الكاظميرادود: باسم الكربلائي
جينه لزينب متعنيها
يخالفنه الصبر و الهم يطاوعنه
ركبنا بمركب الأحزان و طلعنه
نجري المدمع و نعزيها
الشمل واحد لﭼن متشتته الأفكار
واحد هايم بدم طبرة الكرار
و إحنا زينب ما ناسيها
نوايب صُبت على الطاهره زينب
طبرة راس أبوها البدما مخضب
مصايب زينب من يحصيها
المحن مهما جرت يبﮕى الضلع مصدر
ما ﭼان انطبر راس الوصي حيدر
نبدي الونه و ما نخفيها
كسر ضلع الوديعة مصدر لكل هم
ما صدر أبو اليمة بخيل يتهشم
هاي الناحت يا مواليها
مثل ما ناحت على مصيبة الزهره
مثل ما بﭼت يم أمها و جرت عبره
و إحنا العبرة بدم نجريها
أم النايبة هذي و جرحها البين
بين أمها و أبوها و الحسن و حسين
بحيدر و الأم نوافيها
مصايب أربعة و تبدي ضلع أمها
و ﭼبد الحسن زيد بالﮕلب همها
واجب كليوم نمر بيها
بمصيبة أمها نواسيها
مثل موج المحيط يموج مدمعنه
و وصلنا ويا ﮔبر زينب تجمعنه
بمصيبة أمها نواسيها
مصيبة و كل فرد من عندنا ظل محتار
و الثاني ينوح الجمرة البسمار
بمصيبة أمها نواسيها
كسر ضلع أمها نار موجره و تلهب
ﭼم هلال عندها بكربلاء تغيب
بمصيبة أمها نواسيها
لوَن ما هالضلع بالباب يتكسر
و لا بالسم دليل الحسن يتنثر
بمصيبة أمها نواسيها
لوَن ما كسر ضلع الزهراء يتحتم
ولا جسمة يتغسل من نجيع الدم
بمصيبة أمها نواسيها
ناحت يم وليها الطاح عالغبره
و بﭼت يم ذبيح الهشموا صدره
بمصيبة أمها نواسيها
بجروح أربعة لا جرح ولا جرحين
على هاي الأربعة قسمت دمع العين
بمصيبة أمها نواسيها
و بطبرة أبوها الما نشف دمها
دهرها بﮕطع راس حسين يختمها
بمصيبة أمها نواسيها
مصدر النقل: موقع القصائد الولائية
2مشاهدة