شاعر: واثق العيساويرادود: قحطان البديري
ناداك دم المنحر…أنصار يا بو الأكبر
سيفي بيمناك …للموت اوياك
ثوره و كل صدر بيه نار تلقيها
أنصارك غيوره و تعرف البيها
شجعان التجي باجر نبّجيها
و من وجه الأرض و الله نفنيها
و الله من نلقاهم …فرسان بجّيناهم
و إتقر عيناك…للموت اوياك
نركع بالصلاه للذلة ما نركع
نصرخ يا حسين و جيشهم يسمع
باجر يا شمس باجر لمن تطلع
بسيوف الغياره انحور تتقطع
يحسين و شوف الرايه …متطيح و هاي احجايه
شيطيحه الواك…للموت اوياك
يا زينب عهد يا بت علي الكرار
نخلي الدنيه كلها اتسولف اعله الصار
بت حيدر أبد ما تحزن و تحتار
و احنه اعله المخيم يالعقيله أنصار
هيهات نقبل بيها…أحرار و انحاميها
و إنذل إعداك…للموت اوياك
عاهدنه علي و للموت عاهدناك
و تشهد فاطمة الآخر نفس وياك
عفنه الدنيه كلها و انت ما عفناك
يا آخر نفس بالموت شميناك
يحسين من حبينه…نوفيك و اتوافينه
وشقد نهواك…للموت اوياك
أنصارك غياره و ما تذل هيهات
شباب انطت عمرها و رفعت الرايات
بعدهم آل اميه و النهج ما مات
بعدنه اعله العهد و انرددك آيات
تاريخ يكتب دمنه…ثوار يا قائدنه
يالعاهدناك …للموت اوياك
مصدر النقل: موقع القصائد الولائية
5مشاهدة