يا محلى الگرايب

يا محلى الگرايب…. ساعات النوايب
من تلتزم خوتها…. وتجود على نخوتها
يا         محلى          الگرايب

شوف أهل الكرم والشرف والجود …. وشوف أهل المعالي
بذلت للشرف غاية المجهود ….. وتدري الشرف  غالي
تريد تركز العلم بالوجود ….. لعالم  خيالي
والطيب لبنها ….. ما خيبت  ظنها
تتبع أمر سادتها….. وتجود على  نخوتها
يا         محلى          الگرايب

هاشم يالتناشد هاك إخذ دوم ….. من عدها  الفراسه
واسمع صرخة التاريخ كل يوم ….. بسم أهل الفراسه
لو  ردت الفخر والفخر معلوم …. من عدهم  أساسه
هاي  أكبر فضيله …. للحگ ودليله
والمرجع قيادتها ….. وتجود على نخوتها
يا         محلى          الگرايب

ليش  لكربلا تعنت وجتها …. عافت كل نزلها
وشافت واجب وأدت طلتها….. لحسين ولأهلها
عيال  وبالضعين تكلفتها …. ماخابت  بأملها
هاي أهل الكرامه ….. هاي أهل  الشهامه
هاشم هاي عادتها ….. وتجود على نخوتها
يا         محلى          الگرايب

ساحات الحرب فنها وفننها ….. من يوصل  لحدها
ما  هابت مناياها ومحنها ….. معروفه بگصدها
صوار الماخبت بالحرب منها ….. مجليه بغمدها
عافت  للمدينه …. وسدت  للضعينه
وللطف  هاي نيتها …. وتجود على نخوتها
يا         محلى          الگرايب

نادوا يا زعيم الدين يحسين ….. ياروح  الزچيه
وياك  منين إجينه لكربلا منين ….. نعلم  بالمنيه
من ارض المدينه إحنه المحامين ….. ونحامي (…)
هاي  الغاضريه ….. وهاي أهل الحميه

جاوبهم شبل حيدر الكرار ….. حيكم يا  نشامه
هاي أرض البطوله وبيها الاخطار ….. ما بيها  سلامه
بيدي شلون اوديكم على النار ….. واتحمل  ملامه
مو هين عليه ….. لاچن شبيديه

نزلوا  خطة الميدان الأحرار …… وردوا كل جهدهم
دون  ابن الوصي ومهجة المختار ….. ماشلت هممهم
ولهم بالدهر تسجي للآثار ….. وتعظم مجدهم
من روح العقيده ….. للعالم تريده