بالأربعه ضحيت يحسين يعيوني

بالأربعه ضحيت يحسين يعيوني
ردتك  تظل موجود….. سالم عليه تعود..يحسين  يعيوني

يحسين آنه أم البنين ودهري ذبني….. يحسين  يابني
وعن  البنين الأربعه وعنك حجبني…… يحسين  يابني
آنه الخفت من كربله وگلبي لسبني…… يحسين يابني
والكربله  شودّيت….. يحسين ياعيوني
خل گلبي عاد ينوح….. ويحمل خمس جروح..يحسين يعيوني

يحسين ربيت أربعه بشحمة عيوني….. وما خيبوني
ظنيت بيهم بالوفه وصدگت ضنوني….  وماخيبوني
ليوم الردتهم وبجهد يومك رضوني…. وماخيبوني
ربيت وشربيت يحسين ياعيوني
اربع  بدور تنور….. وتجلت بعاشور ..يحسين  يعيوني

من ودعتني وسدرت للغاضريه….. وصوابي  بيه
يحسين برسومك شفت علم المنيه…….. وصوابي بيه
علمك  لفاني وانهدم بيتي عليه…… وصوابي  بيه
وإنت عمود البيت يحسين  ياعيوني
من طحت طاح البيت…. وبترابك تواريت..يحسين يعيوني

يحسين من ضعنك سدر من المدينه…… وانگطع بينه
ظليت أحسب باليمر عگبك علينه….. وانگطع  بينه
وصيت ابوفاضل يوافيك بيمينه…. وانگطع  بينه
وبنصرتك وصيت…… يحسين ياعيوني
اربعه تشيل الراس… عينتهم العباس..يحسين  يعيوني