رادود: قحطان البديري
صاح ها يا عمي صاح
جسام إرحم أمك…جسام لتعوف أمك
يا جاسم حسرة الأم الله يدريها
و لا يعلم هضمها غير باريها
الوحيد يشوف دمعتها ابلياليها
و ليالي الفرقه يدري اشلون تقضيها
ابسهر يبني جفن ذبلان ربيتك
و من طبع الحنان البيه غذيتك
على درب الوفه ابدمعي ترجيتك
تمر لمحت نظر يوليدي تانيتك
كل مغرب يا جاسم أوقف اعله الباب
و أتخيل مشيتك من يمر كل شاب
تعال اهنا تعال و يكفي يبني اغياب
و حق طولك و لا سمعك ييمه تاب
تدري بقلبي وجهك عاشت البسمه
حرام انجان عقبك يلتذ نسمه
مجبوره الهوه يا جاسم أشتمه
عسه لا مر عقب عيناك ييمه
مصدر النقل: موقع القصائد الولائية
4مشاهدة