يشبه عمه عباس

معرس  معتني القوم
صاحت  كل  الأشرار
لف  الخطره  عالراس

لف الخطره لفها
هيبة  داحي   الباب
صليل الصيرم اليوم
ضيّق  بيها  الأنفاس

عروسه الحومه عريس
و نثرت له  الجدايل
و  رقصت  ذيج الخيول
و  غنّه  سيفه  بالطاس

و  قالوا هذا  عباس
ناده  بيهم  الصوت
آنه  إبن الحسن صاح
إرتجفت منه الأرجاس

سلطان  المنايه
سيفه يآمر اهنا
شنغار    الحرايب
ذلل  عز  الأشواس

و دب جيمه اعله  جيمه
حلها و طشر القوم
و إخشوم  الجماجم
ظلت تصرخ الناس

و صيوان  القياده
راحوا  خبروا  إيزيد
جاسم هذا لو موت
تحت أجدامه تنداس

و  هيه و الله  يضرغام
طلع للحومه جسام
و يشبه عمه  عباس

وسط  ذرعانه  الأشمل
ابعين  إعداه تمثل
طب للحومه  هلهل
يشبه عمه  عباس

جاسم و إلها  مصقوف
رماح  و  برق  السيوف
حوافر  دقت  إدفوف
و يشبه عمه  عباس

رد اعله الميادين
عرف  نفسه بالحين
جاسم و إبن أخو حسين
و يشبه عمه  عباس

بأرواح  العده إيبيد
بيده  إشما هوى  الحيد
ظل  يتغير إيصيد
و يشبه عمه  عباس

راعي  العز و  ركها
ردها إردود و  صكها
تحت نعله و فركها
و يشبه عمه  عباس

طب  و جفه  إدلال
ما  تتوصف   الحال
خله كل  الأبطال
و يشبه عمه  عباس