من قلبي الشمعة علقوها

من  قلبي الشمعة علقوها …. و من دمعي الحنه  عجنوها
أمك و تدري …. يبني يا جاسم
حسبت ذخري …. يبني يا  جاسم

يا  زهرت أيامي الجنت أحسب و أعد لك  أيام
وياك  أساهر  للصبح يا سلوتي يا  جسام
لو عيني مر بيها الوسن قلبي فلا لحظه  اينام
يا وليدي و أتمناك …. تكبر جنت أرجاك
و       أقضي      العمر       وياك
يا محله صوتك لمن اتناغيني
لو  ساعه عنك يبني تغمض  عيني
قلبك  يفت دلالي و يوعيني
بالحلم يا جاسم قضيت اسنيني
أحلامي كلها هدموها …. و من دمعي الحنه  عجنوها
سلوتي بعمري يبني يا جاسم

يا جاسم اجروح القلب جتاله ما ظن تشفه
هالليلة  يا  بدري حرت ليلة حرت لو زفه
ما حسبت لن شمعتك بالدمع يبني  تطفه
يبني اشكثر تانيت …. و الزفتك عديت
ايدوم         الفرح         ظنيت
أحلام جانت بالمنام اتمرني
ابفرحة زفافك يبني و  اتبشرني
ما جانت بهذا الخبر تخبرني
يوم العرس تتركني و اتحيرني
أحزاني فرحه قلبوها …. و من دمعي الحنه عجنوها
من بعد صبري يبني يا جاسم

اوحيدي و ما عندي بعد غيرك يا جاسم  ثاني
ظنيتك ابيوم الأجل يبني لون وافاني
ما  حسبت لن الدهر وحدي ابهضم خلاني
ظنيت أضوي اشموع …. تالي أهل ادموع
و        قلبي        تركته         ايلوع
قلبي  الفتحته من صرت  بيبانه
لو  فرد جاسك لفك  ابجنحانه
يبني و طبع تصويرك بشراينه
جاسم  تركته  ابشوغته و  أحزانه
صابوك  و  روحي صابوها …. و من دمعي الحنه  عجنوها
دمعي دم يجري …. يبني يا جاسم

أمك و حقي لو ردت وياك أطول اعتابي
أقعد ابجالك حسبت يوليدي هذا  إحسابي
ما أفك حزني و لا تظن يبطل عليك  امصابي
جاسم يا بعد الروح …. من بين ايديه اتروح
قلبي             عليك             اينوح
من  هالنسه  يا هي الذي  اتكتبني
لو  قلت فقدك يا الولد  شيبني
تجوه ارتجيتك لو زماني ذبني
بالي نمت برباك أفكر يبني
و من شوفك عيني حرموها …. و من دمعي الحنه عجنوها
ما نصح دهري …. يبني يا  جاسم

فرحة  زفافك حسبت يوليدي بيها  أتهنه
تاليها  من  دمعي اليصب يبني عجنت الحنه
يا جاسم و حيلي انهدم من حسرتي و الونه
وسفه يا بدر لتام …. هذا الفرح ما  دام
فجعوني        يا         جسام
من شافته امخضب ولدها ابدمه
قعدت  تندبه  و الصدرها  اتضمه
حلت  اجعوده و بحنان اتشمه
يا جاسم اقعد جاوب أمك يمه
آمالي  يبني ضيعوها …. و من دمعي الحنه  عجنوها
عبرتي ابصدري …. يبني يا  جاسم

نامت  ابطوله و حطنته و حنت ابدمه  الجفين
و قامت مدامعها تكت كت المطر  عالخدين
فقدك عماني يالولد جسام يصبي  العين
هذا الزمن غدار …. و ابحالي شوف اشصار
قلبي             بقه             محتار
قلبي يهون اعليك يبني  اتودعه
بعد الربه ابهذا المصاب  اتلوعه
جان اذكرت يبني الشهور التسعه
مطفيه  يبني اشلون أصد  للشمعه
و يا وسفه يبني طفوها …. و من دمعي الحنه  عجنوها
دوهنت  فكري …. يبني يا جاسم