عوف الزفاف و روح

عوف الزفاف و  روح
و  انصر عمك يا  جسام

يا طيف الما فارق عيني
ردت  للشده و  موعدها
هذا  الطف  ياوليدي و صارت
و الهاي الساعه اترجيتك
شتأمل  منك يا جاسم
أتعاب  اسنينك  بعيوني
رسمت لي هالأشباح
لا  لتهمك يا جسام

يا  جاسم  وصاك  الوالد
يا  حر الما تخلف  عهدك
و شعندي إخلافك  بالدنيه
حط  جفك يوليدي  ابجفي
عمك محتار  بميدانه
الهذا  اليوم إختارك  عودك
عهد الحسن  وصاك
يا  بعد  أمك يا جسام

آه يابني و انت امعاهدني
واعدتك أصبر من  بعدك
رايدتك ترخص دم نحرك
و اهلالك لو غاب  ابدمك
عمتك  زينب تحضر  يمي
اتصبرني  اخلافك   يوليدي
أصبر  و أصيح  ابصوت
يسطع نجمك يا جسام

آنه أمك و ابحالك  أدره
بيدي  اجفوفك خل  تتحنه
أفرح  و أمسح كل  دمعاتي
ردتك ترفع راسي  العالي
بنت الهادي اتريدك تقدم
يا جسام تحضر يمك
تشبح  إلك  أنظار
تحضر يمك يا جسام

يا جاسم إبرز  للعسكر
لتهمك كثرة  عدوانك
و  لو جسمك طاح  ابميدانك
و  ايغسل جسمك  بدموعه
يا  عريس و هاي اجفوفك
و اشموعك لو تطفه اخلافك
ينتظرك الميدان
روح  ابعزمك  يا  جسام

يابن  المشهور  بإيمانك
إسرع يوليدي ابكل  زودك
و من يوقع جسمك  بالمصرع
يا جاسم دمك من  يجري
بالطف  يحضر  عودك  يمك
و يصب دمعات اعله اجروحك
و الحسن منك  راد
يكشف  همك  يا  جسام

يا  جاسم من ساعة  مهدك
هالصفحه اتريدك من  دمك
لا  تتأخر  عن  ميعادك
و لو حانت ساعةآجالك
و الهادي ايشيلك بجفوفه
ينحب  و يشمك من  نحرك
يسفح  اعليك  ادموع
خلد  إسمك يا جسام

ياوليدي ضحي الروح
إرخص دمك يا جسام

أغفه و طرواك  ايصيحني
أمك  و  أدريك  اتوافيني
أشباح البين  اتباريني
عزم الشجعان اتراويني
أمك  ياوليدي و  تدريني
مرسومه و بيك  اتواسيني
ابدال  الشموع ارماح
إرخص دمك يا جسام

و انت اعله الملزوم  امعاهد
وفاي ابعهدك  يالواحد
غيرك قلب امك ما  رايد
إخذ السيف و اطلع  جاهد
و  اعليه  العسكر هالحاشد
صد يابني اعله احسين و  شاهد
العمك  تضحي  إدماك
إرخص دمك يا جسام

عن كل هم موحش  تبعدني
يابني  و تعرف شمواعدني
و أصبر لمصابك  رايدني
نبلات امصابك  تضهدني
و  عقبك عالهم  اتساندني
و  اعله  الآهات  اتعاضدني
يابني  بسماء  الموت
إرخص دمك يا جسام

و  اللي مثلك ما يعز  عمره
من ينزف دمك من نحرك
و  ما أجري اعله امصابك عبره
و اتقر عيني اقبال الزهره
و الجيتك ظلت  منتظره
لو شافت جسمك  عالغبره
من بضعة المختار
إرخص دمك يا جسام

بالك بالموقف  تتأثر
ضحي  ابدمك مثل  الأكبر
يحضر يمك جدك  حيدر
لو  شافك يوليدي امعفر
خل تتحنه ابدم  المنحر
أشعلها  امن الخيمه  التسعر
لا تهمك الفرسان
إرخص دمك يا جسام

تنتظرك ساحة  ميدانك
للموت  و خلد  عنوانك
يتثبت بالطف  برهانك
و يتنازف منهل  شريانك
عن خدك يمسح  تربانك
و يخمد لهفة نيرانك
بالمصرع الميعاد
إرخص دمك يا جسام

اوياك انولدت صفحة  عهدك
تبذلها  و تكتب ابكل  جهدك
و  اعيون  الميدان  اترصدك
جدك  مسرع يحضر  عندك
و يمك تنزل دمعة  جدك
يا  جاسم  و يقبل  خدك
يعلق  اعيونه  اشموع
إرخص دمك يا جسام