ﮔول زينب

ﮔول زينب . وانته فنك* ما تهل دمع المصيبة  وتنفجع
ﮔول  زينب . وانته ﮔلبك* لو جبل أحد يذوب  وينصدع
ﮔول  زينب . من صميمك* تغدي نار اعيونك ودمعك  شمع
ﮔول  زينب  . وانته جلدك* يخشع الهيبة إسمهه  وينﮔشع
ﮔول  زينب . وانته تسمع* بالمدي نة ونّه من كسر  الضلع
ﮔول زينب . وانته تسمع* صرخه من محراب حيدر  ترتفع
ﮔول  زينب . وانته تنظر *طشت بي ﭽبد المعارف  ينوضع
ﮔول زينب . عالرماح* يتلو قر آن الشهاده  وينرفع
ﮔول  زينب .عالشريعه* وشوف ياﭽف الكفاله التنﮔطع
ﮔول زينب . والرضيع* من ثدي النبله يفضّل  يرتضع
ﮔول  زينب . والطفوف* تنكتب اسطوره من دم ودمع
ﮔول زينب . والزمان* يوﮔف بأجلال الهه ويختضع
ﮔول  زينب . والوجود* ينحني الثورة مجدهه  ويختشع
ﮔول  زينب . والخلود* عل صخر ينقش إسمهه  وينطبع
ﮔول زينب . للسماء *تفرش اتراب الطفوف  وتضطجع
ﮔول  زينب . للنجوم* تلبس الظلمه عبايه  وتهتجع
ﮔول زينب . للضياء* والشمس تاخذ ﮔمرهه وتندفع
ﮔول زينب .عل ظلام* يسري من ساق العرش نور  ويشع
ﮔول زينب . والحجاب* يستحي من زينب ويلبس ﮔُبع
ﮔول  زينب . والدماء* تنفجر بالكره الارضيه  نبع
ﮔول  زينب .عل طغات* شوف ﭽم قلعة مظالم  تنقلع
ﮔول زينب . يم يزيد* يجفل الموساد منهه وينفزع
ﮔول زينب . هيه مرأه* وللأبد ماهزهه إرهاب  الجمع
ﮔول  زينب . للخطاب * إلسانهه إلسان الصبح من  يندلع
ﮔول  زينب . للشعار* وانته تشجب كل اساليب  القمع
ﮔول زينب . للجهاد* واﮔبُل بوجه النبال بلا  درع
ﮔول زينب . للشعوب* اتثورعل طاغي وتغيّر هل وضع
ﮔول  زينب  . للمثال* تنضرب اروع مثال  الينتبع
ﮔول  زينب . للعطاء* والشهيد حسين قربان  الشرع
ﮔول زينب . للنساء* تنذل أنوف الرجال وتنجدع
ﮔول  زينب  . للحقيقه* ويكشف التار يخ عن وجهه  البشع
ﮔول زينب . للحُسين* تعله ﭽف الدين مبتورة  صبع
ﮔول  زينب . واﮔضي عمرك* تبحث وبحثك فلا يجدي  نفع
ﮔول  زينب . سر سماوي* وماكو احد ﮔدرعالسر  يطّلع
ﮔول زينب . وانته إسكت* خلهه هيه اتسولف وإنته  استمع