لو وصه طه المختار واجب ننفذ أمره

لو  وصه  طه  المختار  واجب  ننفذ   أمره
هو   الذي   بالقرآن   وصاهم  و   بالعتره

صرح      المختار      بحديث      الثقلين
هذا    الأمر    ما    يختلف    بيه    إثنين
وصه    بكتاب   الله   و   عترته   الطيبين
بيه  تعترف  ذيج  القوم بس إبفعلها  إتنكره
هو   الذي   بالقرآن   وصاهم  و   بالعتره

أول     ثُقل     أصبح    كتاب     المعبود
بين   السمه   و   الأرض   حبله   الممدود
ثاني     ثقل     عترة     الهادي     المحمود
و  الما تمسّك باثنين مسألته صعبه و  خطره
هو   الذي   بالقرآن   وصاهم  و   بالعتره

وياهم     ابهالأمر    لو    ردنه     إنخوض
تطلع      نتيجتنه      أمرهم      مرفوض
ويه    الكتاب    العتره   موردها   الحوض
هيهات  ما  يفترقون  حته  القيامه   الكبره
هو   الذي   بالقرآن   وصاهم  و   بالعتره

مو   عن   تعصب  و  القصد  مو   تكفير
نلتزم    بأهل   البيت   و   إنعوف    الغير
من     آية     التطهير     هذا     التفسير
نتبع علي و الحسنين و أمهم البضعه  الزهره
هو   الذي   بالقرآن   وصاهم  و   بالعتره

بأمر    الولايه    إشقال    نص     القرآن
منهو   اللي   زكّه   إبخاتمه  و  راكع   جان
نزلت   إبحقهم   هل   أته   عل    الإنسان
أطعموا على حب الله مو عن رياء و  شُهره
هو   الذي   بالقرآن   وصاهم  و   بالعتره

نزلت     الآيه     و     الحكم     بالتبليغ
تاج     الولايه    العلي    الرحمن    يصيغ
و    الما    يتبعه    يحمل    إبقلبه     الزيغ
بيه إكتمل هذا الدين و إرتفع شانه و قدره
هو   الذي   بالقرآن   وصاهم  و   بالعتره

يوم     الغدير     الحق     توضح    معناه
ناده   النبي  و  جف  علي  إتلوح   بيمناه
من     كنتُ     مولاهُ     عليٌ      مولاه
و   الما   يوالي   الوالاه   منه   النبي   يتبره
هو   الذي   بالقرآن   وصاهم  و   بالعتره

سائل   سأل   عن   العذاب   امن  الناس
يبغض   علي   ووسوس   إبصدره  الخناس
نزل    له    بارينه    حجر   فوق    الراس
كلمن   يعادي   الكرار   هالعاقبه   تنتظره
هو   الذي   بالقرآن   وصاهم  و   بالعتره

لو   قلت   وين  امن  الوصيه  الأصحاب
إتقلك    الآيه    إنقلبوا   إعله    الأعقاب
أول    جريمه    إندفع    عالزهره    الباب
و  الأمه  من ذاك اليوم دنياها صارت  مُره
هو   الذي   بالقرآن   وصاهم  و   بالعتره