شاعر: علاء الجعفريرادود: باسم الكربلائي
حجة الله فاطمة فاطمة
قبل ميغمض اعيونه الليلة بجفوفه الأجل
أرد أوصي و هالوصية للأبد بعدي تظل
اوصيتي بالزهرة الزجية انكتبت ابحبر الأمل
كلمن يأذيها بعدي حكمه حكم أبو جهل
وصيتي بجّت أملاك السمه
فاطمة كلمن بغضها يوقف بيوم الحشر
ما يجوز اعله الصراط و ما يفيده أي عذر
هذا مو من عندي واجب هذا من الله أمر
اشما يصوم اشما يصلي يحترق مثل الجمر
شفيعة إي مثل حامي الحمه
فاطمة آية الرحمة و حجة الله اعله البشر
خوفي لا من بعدي يجرم اوياها الدهر
فاطمة الزهراء بضعة مني و أغله من النظر
ينكسر ظهري عليها لو ضلع منها انكسر
أنادي دمعتي مثل الدمه
فاطمة ريحة الجنة قطعة من جنة عدن
الله الله اخلاف عيني بيها لو جسمي اندفن
تبقه باب الرحمة باب بعدي كل وكت أم الحسن
فاطمة باب الحوائج يشهد اعليها الزمن
زجية و القصدها تكرمه
فاطمة أشرف نساء الجنة شرفها الصمد
حجة من الباري حجة بيها تنزاح الشدد
هسه كل مسلم أريده هسه ينطيني عهد
يقلي من يبغض الزهرة آنا أبغضه للأبد
عفتها و المصايب قادمه
فاطمة قرآن روحي أغله من ماي الذهب
بالعرش وياي اسمها بلوحة الباري انكتب
يغضب الباري بغضبها و الله لو حقها انغصب
و الذي يظلمها بعدي يصير لجهنم حطب
دليله و بفكرها عالمه
مصدر النقل: موقع القصائد الولائية
3مشاهدة