مظلوم و الغربه صعبه

مظلوم  و الغربه صعبه …. مسموم و الغربه  صعبه
سجنوه  …. غدروه …. يحمل هضم  خلوه

جمرة الكاظم تستعر وسط الروح …. طول العمر عالجمره تبقه و  متروح
عالكاظم اشما تجري دمعات النوح …. دمعتنه ما تنفع قلبنه المجروح
آلام  ….  نوح  و  نوايب  ….  أيام  …. نوح و  نوايب
ظلموه  …. و هضموه …. يحمل هضم  خلوه

موسه بن جعفر حمل لوعة هارون …. موقف مثل موسه الكليم و  فرعون
ابصبر  القلب صامد ابوجه الملعون …. و انقضت أيام الغريب و  مسجون
بالروح …. لوعة الكاظم …. متروح …. لوعة  الكاظم
لوعوه …. و روعوه …. يحمل هضم  خلوه

موقف إبراهيم الخليل اشما جان …. برد و سلم أصبحت ذيج  النيران
و الكاظم ابدلاله نار الأحزان …. و بقلبه جمرات السجن و  السجان
و  هالنار …. يسعر لظاها …. امن الدار …. يسعر  لظاها
صوبوه …. و سموه …. يحمل هضم خلوه

الكاظم مثل يونس تراواله الموت …. و سجن الرشيد أظلم مثل بطن الحوت
من  سجن هارون ارتفع هذا الصوت …. كلمن يضحي للمبادئ ميموت
صرخات …. عندك خبرها …. حالات …. عندك خبرها
آذوه …. تدروه …. يحمل هضم خلوه

يعقوب غايب ولد واحد منه …. قضه العمر بالنايحه و  الونه
و موسه بن جعفر لو تشوفه ابسجنه …. كل شيعته و اولاده غابوا  عنه
مسجون  ….  بالسجن وحده …. محزون …. بالسجن  وحده
و جتفوه …. و خانوه …. يحمل هضم  خلوه

ابسجن  العزيز  انشوف يوسف وحده …. مسجون غير الصبر ما ظل  عنده
و بعد النتايج خلص من هالشده …. و الكاظم ابها السجن ذايب  جبده
مسفوح …. دمع المصايب …. بالنوح …. دمع  المصايب
شيعوه  …. و دفنوه …. يحمل هضم  خلوه

بالسم توذر جبد ظنوة هاشم …. ابها الفاجعه انفجعت اقلوب  الوادم
عالجسر خلوا نعش موسه الكاظم …. ابهذا الوضع خلوه بأمر  الظالم